कोशी प्रदेश गल्फ संघ र चिभास रिगलको साझेदारीमा ‘चिभास इस्टर्न गल्फ टुर्नामेन्ट–२०२६’ आयोजना गर्न लागिएको हो।

धरानस्थित गल्फ कोर्समा माघ १६ र १७ गते दुई दिनसम्म यो प्रतियोगिता हुने छ । यसमा महिला, पुरुष र भेट्रान गरी १२० भन्दा बढी एमेच्योर गल्फ खेलाडीहरूको सहभागिता रहने छन । ।

यसको आयोजना कोशी प्रदेश गल्फ संघले गरेको हो । गल्फ खेलको दीर्घकालीन विकासप्रति प्रतिबद्ध रहेको संघले पूर्वी नेपालमा गल्फ खेलको प्रचार–प्रसार र सम्भावनाको विकास गर्ने उद्देश्य रहेको छ । खेल पर्यटनलाई प्रवर्धन गर्दै ब्यवसायीक नेटवर्क समेत विस्तार गर्ने प्रतियोगिताको उद्देश्य रहेको छ ।

स्थापनाकालदेखि नै गल्फ खेलको प्रवर्द्धन गर्दै आएको संघले एमेच्योर तथा व्यावसायिक दुवै खेलाडीलाई प्रतिस्पर्धात्मक मञ्च तथा विकासका अवसर प्रदान गर्दै आएको छ भने यस प्रतियोगिताले खेलाडीहरूको प्रतिभा प्रस्फुटनमा थप भूमिका खेल्ने विश्वास आयोजकको रहेको छ ।

प्रतियोगिताको प्रमुख साझेदार चिभास रिगल रहेको छ ।

प्रतियोगिताको हस्पिटालिटी पार्टनरमा इटहरीस्थित होटल रमाडा रहेको छ भने सह–आयोजकमा धरान गल्फ क्लब रहेको छ ।